ROXAS CITY -Nagakahangawa ang pila ka mga Filipino nga naka-base sa Estados Unidos kasunod sang nagalala nga tensyon kag Black Lives Matters protest sa nasambit nga pungsod.
Ginpahayag ni Bombo International Correspondent Julie Anne Paclibar Tolzman nga naba-se sa Le Sueur, Minnessota, USA kag tumandok sang banwa sang Dumarao, Capiz nga nakalab-ot na malapit sa iya gina-estaran nga lugar ang mga demonstrador nga nagapatigayon sang protesta.
Suno pa sa kay Tolzman nga ginalikawan sini nga maguwa sa ila balay bangud delikado suno diri kun maipit sa tunga-tunga sang riot.
Samtang ginkompirmar man sini nga may pila ka mga indibidwal ang nagapamentaha sa sitwasyon.
Suno sa kay Tolzman nga may yara sang mga establisyemento nga ginsulod kag ginkawatan sang mga kagamitan.
Gindugang pa sini nga may mga establisyemento man nga ginpang guba sang mga naga-riot kag ang iban diri ang ginpangsunog pa sang mga nagaprotesta.
