Mga pinoy sa London nagpa-set sang dayoff para masaksihan ang Royal wedding 2018

ROXAS CITY – Mabatyagan na sa karon ang wedding fever sa nagahilapit nga pagtambi palad nanday Prince Harry kag Meghan Markle sa London.
Sa exclusive interview sang Bombo Radyo Roxas kay International correspondent Joen Opaño 27-anyos sang Barangay Mongpong, Roxas City kag nagtatrabaho bilang nurse sa London, kadam-an sa mga kaupdanan ang nagpa-set sang dayoff para masaksihan ang ginakabig nga Royal wedding 2018.
Halos tanan nga mga stalls sa London ang nagabaligya sang props kag giveaways para sa kasal.
Kadam-an man sa mga lugar sa London nga may mga big screen ang live nga makita ang mahinabo nga kasal sa sulod sang St. John chapel sa Windsor castle.
Ginakabig naman nga pinakamagarbo kag elegante ang catering sang kasal nanday Prince Harry kag Meghan, sa diin isa sa ginahulat sang tanan ang life-sized cake.
Samtang hugot nga seguridad ang ginapatuman sa palibot sang palasyo, sa diin patigayunon ang Royal wedding 2018 nga ginalauman pagatambungan sang 600 nga mga bisita.