Wala sang may na-record nga Pilipino nga casualty sa Venezuela kasunod sang duha ka mabaskog nga linog nga nagtay-og sa nasambit nga pungsod.
Sa interview sang Bombo Radyo kay Atty. Jan Mikhail Solitario, Third Secretary and Vice Consul sang Philippine Embassy sa Bogotá, iya ginpahayag nga luwas ang mga Pilipino sa Venezuela kag wala sang may narekord nga nasamaran ukon napatay.
Suno kay Solitario, padayon ang embahada sa pagmonitor sang sitwasyon sang mga Pilipino sa lugar agud masiguro ang ila kahimtangan.
Dugang pa sini, handa ang embahada sa paghatag sang nagakaigo nga bulig sa mga Pilipino nga magakinahanglan sang assistance.
Nahibaluan nga naglab-ot na sa 920 ang numero sang mga napatay kasunod sang magnitude 7.2 kag 7.5 nga nagluntad sa Venezuela.
