Ginhinalaan na kahapon nga adlaw ni Department of Agriculture (DA) Assistant Secretary for Logistics Daniel Atayde kag ni 𝗚𝗼𝘃𝗲𝗿𝗻𝗼𝗿 𝗙𝗿𝗲𝗱𝗲𝗻𝗶𝗹 𝗛. 𝗖𝗮𝘀𝘁𝗿𝗼 ang kolaborasyon sang pungsodnon nga pagdumalahan kag Gobyerno Probinsyal sang Capiz sa pagpatuman sang estratehiko nga mga proyekto nga may kaangtanan sa agri-fishery sa probinsya.
Lakip sa mga prayoridad nga proyekto nga ginplastar sa sinapol amo ang pagtukod sang isa ka ice plant ukon cold storage facility nga nagatuyo sa pagsuporta sa lokal nga industriya sang pagpangisda.
Ang ginaproponer nga pasilidad ginalauman nga makabenepisyo sang daku sa mga mangingisda nga Capisnon paagi sa paghatag sang tayuyon nga solusyon para sa pagpreserbar sang ila bag-ong haw-as nga produkto kag makapanubo sang post-harvest loss.
Mainit man nga ginbaton ni Governor Castro ang plano sang Asec. kag ginpaabot ang iya pagpasalamat kay Asec. Atayde kag sa DA sa paghatag sang prayoridad sa mga proyekto nga nagasabat sa matuod nga kinahanglanon sang mga gapangisda diri sa probinsya.
Ginkomiter man sini ang bug-os nga suporta sang Gobyerno Probinsiyal sa pagpasiguro sang kadalag-an sang sini nga proyekto.
