Liwat nga maka-eksperyensya sang mabug-at nga pag-ulan ang pila ka mga probinsya nga sakop sang Northern Luzon bangud sa epekto sang nagkalain-lain nga mga weather systems sa pungsod.
Base sa 24-Hour Accumulated rainfall forecast sang state weather bureau, posible nga makabatyag sang 100 mm tubtob 200 mm nga ulan ang mga probinsya sang Cagayan, Isabela, kag Batanes. Ini ang kabaylo sang heavy to intense rains tuga gihapon sang amihan kag shear line.
Ginalauman naman ang makanay tubtob mabaskog nga mga pag-ulan ang mabatyagan sa mga probinsya sang Apayao, Kalinga, Mountain Province, kag Ifugao. Posible nga makabatyag naman sang localized nga pagbaha ang mga nasambit nga lugar, ilabi na ang mga manubo nga lugar, kag may posibilidad man nga maka-eksperyensya sang landslide ang mga nasambit nga lugar.
Suno pa sa state weather bureau, ang mabaskog nga ulan sa Cagayan kag Isabela ang posible nga magapadayon tubtob sa Dominggo, Enero 5.
Wala naman sang namonitor nga mga tropical cyclones ukon Low-Pressure Area (LPA) malapit sa teritoryo sang Pilipinas, apang ang malain nga panyempo ang tuga gihapon sang amihan kag ang pagsugataay sang mainit nga hangin halin sa silangan kag malamig nga hangin halin sa hilaga.
Dugang pa, isa ka gale warning ang ginpatuman sa mga baybayon sang Batanes, Cagayan (kalakip ang Babuyan Islands), Ilocos Norte, kag Ilocos Sur bangud sa maalon nga dagat, nga posible umabot humalin sa 2.8 metro tubtob 4.5 metro. Ginpanugyanan naman ang mga operator sang mga magagmay nga bangka kag mga tripulante nga maghalong permi.
