Nagpatigayon sang hublag-protesta sa atubang sang Senado ang nagkalain-lain nga progresibo nga grupo agud ipanawagan nga dayunon ang impeachment trial batok kay Vice President Sara Duterte.
Subong nga adlaw, Agosto 6, natalana nga pagabotohan sang mga senador ang ruling sang Korte Suprema makaligad ang pagdeklara sang mga mahistrado nga unconstitutional ang articles of impeachment ni VP Sara.
Nanindugan si Tindig Pilipinas Co-Convenor Kiko Aquino Dee nga kinahanglan dayunon ang impeachment trial batok kay Vice President Sara Duterte.
Kinahanglan man suno sa iya nga paminsaron sang Mataas nga Kapulungan ang mangin desisyon sang Korte Suprema sa mga gin-file nga motion for reconsideration.
Apisar suno sa iya nga immediately executory ang desisyon sang Supreme Court sa articles of impeachment ni Duterte, wala ini nagakahulugan nga final na ang ruling.
