Gina-preparahan sang Department of Agriculture ang posible nga epekto sang el niño sa palangabuhian kag suplay sang pananum sa Western Visayas.
Ini bangud nga ang madugay nga tag-init nagadala sang pagtaas sang temperatura kag malaka nga ulan, nga posible magresulta sa kakulang sang tubig, pagka-atrasar sang pagtanum, kag paghinay sang ani.
Sa interview sang Bombo Radyo kay Raoul Perez, Acting Provincial Agriculturist sang Capiz, iya ginpahayag nga bilang preparasyon, may yara sang mga binhi sang humay kag utanon nga ipanghatag para sa mga mangunguma sa tion nga maapektuhan sang El Niño.
Suno kay Perez, iya ginahingyo ang mga mangunguma nga magtanum sang mga alternative crops agud mapahagan-hagan ang epekto sang El Niño kag masiguro ang padayon nga ani.
Dugang pa sini, nga padayon man ang pagpasangkad sang Capiz Provincial Government sang mga irrigation systems, Solar Pump Irrigation kag mga Small Reservoir Irrigation Development para sa suporta sa sektor sang agrikultura .
