Malipayon nga ginpakigbahin sang Bureau of Fire Protection Capiz ang epektibo kag madinalag-on nga mga programa sang ila nga talatapan sa diin nagresulta sa pagpanubo sang mga kaso sang sunog sa probinsya sa bilog nga tuig 2025.
Sa interview sang Bombo Radyo kay Senior Fire Officer 1 Joenel Cortez, Fire Arson Investigator sang Office of the Provincial Fire Marshal Capiz, iya ginpahayag nga may yara sang dako nga pagnubo ang nabalhag nga mga kaso sang sunog sa probinsya sa diin isa ka patimaan nga nangin madinalag-on ang ila nga mga programa.
Suno kay Cortez, nagnubo sa -31.92% ukon kabaylo sa 194 tanan ka mga kaso sang sunog ang nabalhag sa proobinsya sang 2025 kun ipaanggid sa 285 sang 2025.
Pahayag niya, nagapanguna nga Roxas City sa madamo nga numero sang sunog, samtang ang mga kabanwahan naman sang Dao, Ivisan, kag Cuartero ang may pinakamanubo.
Sa 194 tanan ka mga kaso sang sunog sa probinsya sang 2025, 144 ang sa structural sa diin nga 118 ang sa residential kag 26 sa non-structural samtang, yara naman sa 25 tanan ang sa transport sa diin 16 amo ang mga motorsiklo, walo nga tricycle kag isa ka awto. Nagapabilin sa gihapon nga numero uno nga rason sang sunog ang Electrical in Nature, ginasundan sang nalipatan nga baga sa dapog ka gang ulihi amo ang nalipatan nga kandila nga nakasindi.
Apang sa amo nga datos, nagapasalamat sa gihapon ang talatapan bangud nga dako gid ang pinagnubo sa amo nga kaso sang sunog.
Nagalaum naman ang natungdan nga mas maganubo pagid ang kaso sang sunog sa probinsya subong nga tuig kag sa mga masunod pa.
