-- ADVERTISEMENT --
Nagpatigayon sang hublag protesta ang pila ka mga progresibo nga grupo sa Capiz kadungan sang Labor Day sang Mayo 1, 2026.
Sa interview sang Bombo Radyo kay Monica Gabantug, presidente sang Gabriela Capiz, iya ginpahayag nga kinahanglan hatagan sang ayuda ang mga mamumugon bangud apektado sila sa padayon nga pagsaka sang presyo sang mga balaklon.
Suno kay Gabantug, dapat buligan sang gobyerno ang mga pumuluyo nga nagaantos sa kakulang sang kita bangud sa mahal nga gasto sa adlaw-adlaw nga pangabuhi, lakip na ang pagsaka sang presyo sang gatong.
Ginpanawagan man sang grupo ang pagbasura sang Value-Added Tax ukon VAT bangud nagadugang ini sa gastuhan sang mga ordinaryo nga tao.
