ROXAS CITY – Ginkumpirmar sang mga natungdan nga mga kabataan sa Kenya ang nagapasimuno sang lapnagon nga hublag-protesta sa ila nga pungsod agud kondinaron ang bag-o nga finance bill nga nakatalana kuntani pirmahan sang ila nga presidente nga si William Ruto.
Ginapahayag nga nangin epektibo ang gin-organisa nga hublag-protesta sang mga kabataan sa Kenya pinaagi sa social media.
Ini ang nangin rason nga napilitan ang ila presidente nga ibasura ang hagna.
Base sa datos sang mga Kenyan Authority, indi magnubo sa 22 nga sibilyan ang kumpirmado nga napatay matapos nga palukpan sang mga pulis.
Daku naman nga pagtilaw kay Kenyan President William Ruto nga kuhaon liwat ang pagsalig kag loyalty sang ila mga pumuluyo.
Diri kag nanindugan ang presidente nga indi niya ini pagpirmahan.
