Ginkumpirmar sang One-Stop Action Center for Strategic Investments nga naglab-ot na sa P2.3-T ang mga proyekto nga ginaprubahan pinaagi sa green lane sadtong Hunyo 20 subong nga tuig.
Suno sa ahensya, may yara pa sang P793.29-B nga balor sang proyekto para sa green lane processing.
Kabaylo ini sang 59 applications kag ini ang wala pa maka-sumite sang kumpleto nga requirements.
Mahibaluan nga ginsiling sang OSACSI sadtong Hunyo 20, naka-certify na ini sang kabug-usan nga 74 nga proyekto kung sa diin 65 diri yara sa renewable energy nga may kabug-usan $33-B ukon P1.9-T.
Lima ka proyekto naman nga nagabalor sang P338.28-B ang yara sa digital infrastructure kag tig-duha sa food security kag manufacturing nga P3.4-B kag P29.6-B.
Sa nasambit nga 74 nga naproseso nga proyekto, 32 diri ang nakarehistro sa Board of Investments kag nagabalor sang P1.31-T.
