Ginpangalanan na sang whistleblower nga si Julie Patidongan ukon alyas Totoy ang mga pulis nga gin-alegar involved sa kaso sang mga missing sabungeros.
Kadungan ini sang pag-file sang iya sworn affidavit sa National Police Commission (Napolcom) sini nga Lunes, Hulyo 14.
Gintawag ini ni Napolcom Vice Chairman Ralph Calinisan nga isa ka daku nga development bangud magasugod na ang proseso sang imbestigasyon sa mga nadalahig nga madugay na nga ginahulat sang pamilya sang mga biktima.
Suno kay Calinisan, kalakip sa imbestigasyon ang pormal nga pagpasaka sang kaso batok sa mga akusado nga pulis, pagkumparar sang ila mga sabat sa mga alegasyon ni Patidongan kag pagtimbangtimbang sang tanan nga ebidensya sa sulod sang 60 ka adlaw.
Ginsiling sini nga kun inosente ang mga implikado nga pulis, absweltuhon sila, apang kun guilty, dapat manabat.
Una na nga ginbuyagyag ni alyas Totoy nga lakip sa mga nadalahig amo ang ginatawag nga “Vito,” isa ka lieutenant colonel nga nagserbe nga team leader.
Ginpasalig naman ni Calinisan nga sundon nila ang due process sa pag-imbestigar sa mga police officers nga gina-alegar imbolbado.
Kon sila mapamatud-an nga guilty ini grave misconduct, magapangatubang sila sang suspension tubtob kag lakip ang gilayon nga pagpahalin sa serbisyo kag serye sang mga panumbungon.
