Ginsiling ni Senadora Imee Marcos nga dapat ibalik sa labing madali nga panahon ang mga pulis nga naka-assign bilang security kay Vice President Sara Duterte.
Suno kay Marcos, nga kilala nga abyan ni Duterte, dapat nga ibalik ini bangud si VP Sara ang pangaduwa sa pinakamataas nga elected official sa pungsod gani indi dapat nga makompromiso ang kaluwasan sini.
Magluwas sini, ginpahayag pa ni Marcos nga si VP Sara kaangay sang amay sini nga si anay Presidente Rodrigo Duterte ang maukod nga tagpangapin sang law and order gani nagapanguna sila sa order of battle sang New People’s Army.
Dugang pa sini, indi niya kilala ang bag-o nga hepe sang PNP nga si General Rommel Marbil nga amo ang nagmando sa pagkakas sa security detail sang bise presidente sang pungsod.
Una na nga ginpahayag ni Senador Christopher Bong Go nga mas una ini nga ginkakasan sang security gikan sa PNP.
Mahibaluan nga tatlo ka pulis nga naka-security detail kay Go ang ginkakas ni General Marbil.
