ROXAS CITY – Nahangawa ang mga pumuluyo sa Barangay Tico, Panay Capiz bangud sa padayon guba nga river control project sa kilid sang Tico River sa ila nga barangay.
Suno kay Manang Gina, indi sini matuod nga pangalan, madugay na nila nga problema ang amo nga butang sa ila lugar.
Ginpahayag sini nga gamay na lamang ang nabilin nga dalan sa kilid sang suba bangud sa padayon nga pagkatiphag sang duta kag pagkatup-ay sang river control.
Suno sa iya nga sa tagsa ka magbubo ang mamunog nga ulan, nagahumok ang duta kag amat-amat nga naga-ab-ab rason nga nagakaguba ang river control kag mangin ang ginaagyan sang tawo.
Bangud diri suno sa ginang, motorsiklo na lamang ang sarang nga makaagi sa kilid sang suba kag indi na ini maagyan sang tricycle ukon anuman nga dalagkuan nga salakyan.
Gindugang pa sini nga ila naman napalab-ot sa mga natungdan ang madugay na nila nga problema apang tubtob subong wala gid ini maaksiyunan.
Pinaagi sa bulig sang Bombo Radyo, nagalaum ang mga residente nga masolusyunan ang amo nga problema nga dako nga houl para sa ila.
