ROXAS CITY – Nakaalerto sa karon ang mga barangay tanod kag mga opisyales sang Barangay Buntod, Panay bangud ginaalegar nakita ang presensiya sang suspek nga naghimulos sa 35 anyos nga babaye nga ginapahayag may deperensya sa paminsaron.
Ba-se sa impormasyon nga pila ka mga residente ang nagasiling nga ila nakita ang presensya sang suspek nga si Paolo Bulonio “Alyas Bimbo”.
Bangud diri nabalaka kag nahadlok sa karon ang mga residente sa nasambit nga barangay.
Suno kay punong barangay Felipe Base nga hugot nga ginabantayan sang mga tanod ang palibot kun gab-I kag may yara na ini sang instruksyon pananglitan nga makita ang presensiya sang suspek sa ila barangay.
Ginpahayag pa sang opisyal nga nakapangayo naman siya sang kopya sang laragway sang suspek sa talatapan sang pulisya kag ginpaskil na nila ini sa public area.
Nagpanugyan man si Base sa mga pumuluyo nga indi magpanic bangud may yara na ini sang ginpang-deploy nga mga BPAT nga maga-secure sa palibot.
Samtang, naghinyo sang kooperasyon ang mga opisyal sang barangay sa mga pumuluyo nga gilayon impormahon ang mga opisyales sa barangay kun ila makita ang presensiya sang suspek sa ila nga lugar.
