ROXAS CITY – Ginaduso sang mga pumuluyo sang Barangay Libas, Roxas City nga magpatigayon sang recount angut sa nagtakop nga Barangay kag Sanguniang Kabataan Eleksyon 2023 bangud sa ginapahayag nga may natabo nga pagpangdaya.
Sa interview sang Bombo Radyo kay Honorable Richard Arojado outgoing nga Punong Barangay sang Barangay Libas, ginpahayag sini nga ang mga pumuluyo mismo ang may luyag nga magpatigayon sang recount bangud dako ang ila pagpati nga may yara sang natabo nga pagpangdaya sa nagtakop lang nga BSKE 2023.
Suno kay Arojado, nakapadulong na sila sa talatapan sang Commission on Election (Comelec) agud magpangayo sang mga resekitos nga mahimo nila ipasa kag hikuton.
Ginklaro man sini nga indi ini iya kagustuhan kundi iya sang mga pumuluyo rason nga ginsuportahan na lamang niya ini.
Dugang pa sini nga mabaton niya ang kapiyerdihan kung wala sang anomaliya nga natabo apang lain na suno diri nga hinala kung may yara sang natabo nga indi maayo kag nagakadapat.
