Nagakabalaka ang pila ka pumuluyo sang Roxas City sa posible epekto sang Very Strong El Niño, ilabi na ang posibilidad sang kakulang sang suplay sang tubig.
Sa interview sang Bombo Radyo kay Mhar Magbanua, pumuluyo sang syudad, iya ginpahayag nga nga nagadapat nga paghandaan ini sang nagakaigo nga mga ahensya agud malikawan ang kakulang sang tubig.
Suno kay Magbanua, pila na ka beses sila na-eksperyensya ang kakulang sang tubig sa ila lugar gani nagatipon sila sang tubig sa nagkalain-lain nga suludlan kon magbalik ang suplay, agud may magamit sila kon liwat nga mag-untat ang tubig.
Nagapanawagan man ang natungdan nga dapat masiguro ang bastante nga suplay sang tubig para sa mga konsumidor sa syudad kag sa bilog nga probinsya sang Capiz, bangud importante ini sa adlaw-adlaw nga pagpangabuhi sang mga pumuluyo.
