ROXAS CITY – magapangatubang sang kaso administratibo sa Office of the Ombudsman ang mga barangay kapitan nga mapaslawan mag-organisa sang ila nga Barangay Anti-Drug Abuse Council (BADACs).
Ini ang paandam ni DILG Undersecretary for Barangay Affairs Martin Diño sang ma-interview sang Bombo Radyo Roxas matapos nangin bisita sa fiesta sa banwa sang Pilar, Capiz.
Suno kay Diño nga kinahanglan masumite na sa talatapan sang mga barangay kapitan ang gin-irganisa nga BADAC bangud sila ang magatutuk sa mga drug personalities sa lugar.
Indi man ini kumbinsido sa ginpaguwa nga datus sang Philippine Drug Enforcement Agency (PDEA) sa mga barangay officials nga may kaangtanan sa droga sa ila nga lugar, bangud kulang ini kun tan-awon gid sang maayo bangud madamo sang mga naaresto ang mga pulis adlaw adlaw.
Gin-ako man Diño nga may basbas sang presidente ang iya nga ginahimo bangud kilala nga kontra sa droga si President Duterte.
