Nagpasalamat ang mga Punong Barangay sa Probinsya sang Capiz sa P200,000 nga pondo nga nabaton sang tagsa ka kwalipikado nga barangay sa idalom sang Bawat Barangay Makikinabang nga program.
Suno kay Punong Barangay Mildred Aguro-Young, Barangay Information Officer sang Barangay Balucuan, Dao, Capiz, iya ginpahayag nga daku ang ila pagpasalamat kay President Ferdinand Marcos Jr., bangud daku ini nga bulig sa ila barangay.
Ginpahayag ni Aguro-Young nga pagagamiton sang ila barangay ang nabaton nga pondo para sa pagpatukod sang solar street lights agud mapauswag ang suga kag seguridad sa ila lugar.
Kabahin man sa ila plano ang pagpatuman sang barangay scholarship program para sa lima ka mga kwalipikado nga student.
Suno pa sa iya, daku nga bulig ang amo nga pondo sa pagpatuman sang mga proyekto kag programa nga direkta nga makabenepisyo sa mga residente sang barangay.
