ROXAS CITY – Nakabaton sang livelihood assistance, ang mga rebelde nga grupo nga nagbalik sa sabak sang gobyerno.
Sa interview sang Bombo Radyo kay Ken Queenie Cuñada Department of Trade Industry (DTI) Capiz Provincial Director, ginpahayag nga magabaton ang mga ini sang Sari-Sari Store kag karenderya package nga nagabalor sang P15,000.00.
Ang nasambit nga assistance, bilang pagsugod sang ila bag-o nga pangabuy-anan kag bulig sa ila tagsa ka mga pamilya.
Suno kay Cuñada sadtong 2020, may yara sang 7 ka mga rebelde nga indibidwal ang ila nahatagan sa banwa sang Cuartero samtang subong nga tuig may yara sang 21 sa banwa naman sang Tapaz.
Angut sini, padayon man suno diri nila nga ginamonitor ang mga nasambit nga indibidwal subong man ang gintan-ay nga pangabuy-anan para sa ila.
