Mga reklamo sa ‘bukbukon’ nga bugas sa Kadiwa store, paga-imbestigaran sang DA

Magalunsyar sang imbestigasyon ang Department of Agriculture (DA) kasunod sang mga reklamo sa bukbukon nga bugas nga ginabaligya suno diri sa Kadiwa stores sa Quezon city.

Suno sa pila ka seller kag sa feedback man sang mga nagapamakal sa Kadiwa stall sang Murphy market, ginapahayag nga may nakit-an nga mga kuto ukon bukbok sa bugas.

Ginpahayag naman ni DA spokesman Arnel de Mesa nga ginausisa na nila ang nasambit nga insidente apang nanindugan ang opisyal nga nagaagi sa mga testing ang tanan nga bugas antes ibaligya sa Kadiwa.

Posible nga isolated case lamang ini suno kay de Mesa bangud maayo man nga klase sang bugas ang ginabaligya sa iban nga Kadiwa stalls.