Naka-alerto kag naka-deploy na ang mga personnel sang City Disaster Risk Reduction and Management Office (CDRRMO), Bureau of Fire Protection (BFP), Philippine National Police (PNP), Philippine Coast Guard kag iban pa nga mga rescue volunteers sa mga coastal areas sang Roxas City bilang kabahin sang preparasyon para sa selebrasyon sang Kapistahan ni Sr. San Juan de Bautista.
Ang deployment ginpatigayon agud masiguro ang kaluwasan kag seguridad sang publiko, ilabi na sang mga deboto kag mga residente nga nagatambong sa nagkalainlain nga aktibidad nga may kaangtanan sa pyesta.
Suno sa mga otoridad, may yara sang mga nagapatrolya sa mga baybayon kag sa baybay-dagat agud magbantay sa posible nga mga insidente kag makahatag sang madasig nga bulig sa tion sang emerhensiya.
Ginpahayag man nga kabahin sang preparasyon ang koordinasyon sa nagkalainlain nga ahensya sang gobyerno kag mga volunteer groups agud masiguro nga organisado kag malinong ang pagpatigayon sang mga aktibidad sa pyesta.
Padayon man nga ginapahanumdoman ang publiko nga magsunod sa mga safety protocols kag mga direktiba sang mga awtoridad agud malikawan ang aksidente kag mapabilin nga luwas ang selebrasyon sang Kapistahan ni Sr. San Juan de Bautista sa Roxas City.
