ROXAS CITY – Nakasugtanan sang mga residente nga ma-apektuhan sa pagkay-o sang slaughter sa Barangay Cabugao, Oeste, Panay nga sila ang iga-saylo sa housing unit sa Panay Ville.
Ini ang ginpakigbahin ni Jean De Asis Presidente sang Gawad Kalinga sang mainterview sang Bombo Radyo.
Suno kay De Asis, nagpatawag sang meeting ang ila alkalde agud i-eksplekar sa ila ang sitwasyon kag plano sang munisipyo sa lugar kung sa diin ginatindugan sang ila mga puluy-an.
Mahibaluan nga 27 nga mga pamilya ang apektado sa proyekto sang ila munisipyo nga pagpakay-o sang slaughter house sa.
Pahayag ni De Asis, nagpromisa ang LGU Panay nga hatagan sila sang sayluhan kag gilayon man nila ini nga nakasugtanan bangud duta ini sang munisipyo kag indi sa ila.
Matandaan nga plano sang LGU Panay nga i-develop ang amu nga slaughter house apang ginasiguro pa nila nga makasaylo ang mga residente nga ma-apektuhan antes ini nga suguran.
