ROXAS CITY – Napuhag sang mga bubuyog ang mga residente sa isa ka barangay sa siyudad sang Roxas bangud sa ginsunog nga pukyutan sang isa ka residente.
Sa ginpadala nga mga laragway kag kuha nga video ni Antonette Acer Almalbis, makit-an ang nagalulupad nga mga bubuyog sa sulod sang ila balay sa Sitio Sacop, Barangay Culasi, Roxas City.
Suno diri perwisyo ang dala sa ila sang amo nga mga insekto bangud napilitan ang mga residente nga patyon ang ila mga suga para lamang indi makasulod sa ila mga kabalayan ang bubuyog.
Ginkahadlok man ini sang mga residente bangud sa posibilidad nga sila ang kututon.
Ginapahayag nga gikan ang mga ini sa ginsunog nga pukyutan ukon balay sang mga bubuyog sang isa ka residente kun sa diin madasig ini nga naglapta sa ila nga barangay.
