Nagapabilin sa Temporary shelters ang mga residente nga nag-evacuate sa Budhi Gandaki River sa northern kag central Nepal pagkatapos nga naguba ang ila mga puluy-an kag iban pa nga mga estraktura matapos nagluntad ang panibag-o nga flash flood sa lugar.
Gilayon nga nagpatuman sang evacuation ang National Disaster Risk Reduction and Management Authority sang Nepal kag nagpaguwa sang paandam sa mga residente nga magsaylo sa mas luwas nga mga lugar samtang padayon nga ginabantayan ang lebel sang tubig sa suba.
Sa subong wala pa sang may ginreport nga napatay ukon nasamaran sa insidente samtang padayon ang imbestigasyon sang mga otoridad sa gintunaan sang hinali nga pag-awas sang suba nga isa sa mga main waterways malapit sa sentro sang Kathmandu.
Nahibaluan nga natabo ang panibag -o nga kalamidad samtang padayon nga nagabangon ang Nepal gikan sa makahalalit nga pagbaha sang nagligad nga Agosto sa boarder sang Nepal kag China, kon sa diin masobra 1,400 ka mga tawo ang nagkalamatay.
