ROXAS CITY-Dismayado ang pila ka mga residente sang Barangay Libas Roxas matapos nga wala makabaton ikaduha nga hugnat sang pagpanghatag sang tunga sa sako nga bugas nga ginapanagtag sang city government.
Sa interview sang Bombo Radyo sa wala magpakilala nga ginang wala ini sila ihibalo nga may yara sang listahanay sa mga makabaton sang tunga sako sang bugas.
Suno sa ginang nga ginkakibot sini nga wala ini sila makabaton subong nga ikaduha nga hugnat sa pihak nga nakabaton man ini sila sang tinalikdan nga paghataganay.
Nagalain ang buot sinang ginang bangod nabatian pa sini nga nagsiling si Roxas City Mayor Ronnie Dadivas nga wala sang may magutuman nga residente sang nasambit nga barangay.
Ginpanawagan sini sa alkalde nga wala dapat sang pinili-an sa paghatag sang bugas bangod lunsay apektado man ang tanan sang pandemiya.
Gindugang pa sini nga madamo pa ang sobra nga bugas nga wala mahatag sa mga residente.
Nagapati ang ginang nga may yara sang pamulitika sa likod sang paghinatagay sang bugas bangod gina-ako man sini nga kontra-partido ini sa nasambit nga barangay.
Mahibaluan nga sa masobra 2,000 ka mga households sa nasambit nga barangay, 1,300 gid lamang ang nahatagan sang nasambit nga bugas.
