ROXAS CITY – Nagpalab-ot sang ila problema ang pila ka residente sa Barangay Tiza, Roxas City sa Bombo Patrol 101 sang Bombo Radyo ilabi na ang houl nga tuga sang pagbaha sa tagsa ka magbubo ang mamunog nga ulan sa ila lugar.
Suno kay Manang Ellen sang Sitio Bangkiling, madugay na nila nga problema ang pagbaha sa tagsa ka mag-ulan nga halos magsulod na sa ila nga balay.
Ginpahayag sini nga agud makalikaw sa halit nga dala sang lamok kun tag-ulan, ila na lamang nga ginabubu-an sang chlorine kag asin ang nagabara nga tubig.
Magluwas diri suno sa iya, sa ila man halos nagabulhog ang basura gikan sa mga kabalayan nga nahamtang sa naibabaw nga porsyon sa ila lugar.
Suno naman kay Gabriel sang St. Joseph Subdivision, sila na mismo ang nagamatu-mato sang hawan sang kanal agud magdiretso sa drainage ang tubig sa tagsa ka magbubo ang mamunog nga ulan agud malikawan ang pagluntad sang baha.
Suno naman kay Nanay Inday sang Malipayon Village, ginatinguhaan na lamang sini nga matinluan ang ila palibot agud malikawan ang pagduging sang lamok bangud nahangpan man sini ang halit nga matuga sang balatian nga dengue.
Nagpamatuod man ini nga madugay na nila nga problema sa barangay ang masami nga pagbaba kun maulanon ang paniempo.
