MAAYON, CAPIZ – Tikom ang bibig sang mga Barangay opisyales sang Batabat, Maayon, Capiz sa ginareklamo nga operasyon sang quarry.
Nagpirma sa petisyon letter ang mga pumuluyo nga luyag ipauntat ang operasyon sang quarry sa ila Barangay.
Sa interview sang Bombo Radyo kay Tatay Ediberto, residente sang nasambit nga Barangay, ginpahayag sini nga madamo sa ila ang nagpirma sa amu nga petisyon.
Dugang pa sini nga sa tion nga magbubo ang ulan nagailig ang lapok halin sa bukid pakadto sa ila mga uyapad kag posible man nga magasulod ini sa ila nga mga puluy-an.
Suno pa diri nga pamilya Lacson ang tag-iya nga naga-operate sa amu nga bukid.
Nakalab-ot naman ini sa opisina ni Mayor Raymond Malapajo apang wala pa sang klaro nga sabat kun san-o ini mapauntat.
