ROXAS CITY -Hugot nga ginapamatukan sang mga residente kag mga barangay officials sang Barangay Cagay ang plano sang probinsiya nga himuon nga Quarantine Facility para sa mga nagpositbo sa COVID-19 nga mga asymptomatic patients sa Sancta Maria Mater et Regina Seminarium sa nasambit nga barangay.
Sa interview sang Bombo Radyo kay Punong Barangay Arturo Aragon Sr. ginpahayag sini nga may pila ka mga residente ang nagpadulong sa barangay hall agud magpabutyag sang pagpamatuk sa plano sang probinsiya.
Suno kay Aragon nga may yara sang petisyon nga igasumiter ang mga residente nga nagapamatuk sa pagpahamtang sang mga nagpositibo nga mga asymptomatic patients sa nasambit nga seminaryo.
Samtang magadihon man sang resolusyon ang barangay council sang nasambit nga barangay nagapakita sa pag-upod sang mga opisyales sa mga residente.
Suno sa pa kay Aragon nga ginahimo sang mga opisyales ang tanan agud mahilway sa virus ang barangay.
Nagapati si Aragon nga masobra 90 porsyento sa mga residente sang nasambit nga barangay ang nagapamatuk sa plano sang probinsiya.
Nag-apelar naman si Aragon sa probinsiya nga ibutang na lamang sa iban nga lugar ang plano nga quarantine facility.
