Nagpanawagan ang linibo nga mga residente sang Valencia sa Espanya nga magbiya na sa puwesto si Valencia Regional leader Carlos Mazon matapos ang tuman nga pagbinaha sa lugar nga nagresulta sa pagkapatay sang yara sa masobra 200 indibidwal.
Ini matapos mapaslawan nga magpadala sang mga abiso ang mga otoridad sa mga residente nahanungod sa mahimo nga mangin epekto sang bagyo sa nasambit nga lugar pila ka oras antes magsugod ang pagtinaas sang tubig sadtong Oktubre 29.
Samtang, sa pihak sang mga nangin protesta batuk kay Mazon, nagpahayag ini nga pagaunahon anay ang pagpatigayon sang clearing operations kag search and rescue operations para sa mga indibidwal nga padayon nga missing tubtob sa karon.
Dugang pa ni Mazon, ginarespeto niya ang ginasinggit sang iya mga nasakupan kag ginpahayag sini nga magaabot ang oras nga mapanabat ang mga opisyal nga nagkulang sa iya nga banwa.
