Ginpahayag ni Justice Secretary Jesus Crispin Remulla, apat ka sako ang narekober sa Taal Lake kahapon nga adlaw, Huwebes nga ginaalegar may unod nga tul-an sang tawo kag balas.
Ang ginatumod ni Remulla, amo si alyas Totoy ng whistleblower nga si Julie “Dondon” Patidongan, isa sa mga akusado nga luyag mangin testigo. Una na niya nga ginpahayag nga ang mga nadula nga mga sabungero ginpatay kag ang ila mga bangkay ginhaboy sa lawa, nga ginbug-atan sang balas.
Suno sa tiglikom, duha sa mga nakumpiskar nga sako ang may unod nga tul-an kag duha naman ang may unod nga balas.
Sa inisyal nga pag-analisar, naguwa nga “human ribs.” ang narekober nga tul-an. Apang ipaidalom pa sa forensic examination ang mga tul-an.
Samtang, ginpahayag ni PNP Forensic Group’s DNA Laboratory Division chief Police Lieutenant Colonel Edmar dela Torre nga anum sa 91 ka mga tul-an nga narekober sa Taal Lake ang ginasuspetsahan nga tawo.
Suno kay Dela Torre, gina-una nila ang pagkuha sang DNA profiles gikan sa mga tul-an sang tawo, para sa crossmatching nga pagahimuon sa DNA samples gikan sa pamilya sang mga nadula nga sabangero.
