Ginpanindugan sang isa ka history professor ang importansya sang pagpasangkad sang pagtuon sa kasaysayan sang Pilipinas, ilabi na sa mga pamatan-on.
Sa interview sang Bombo Radyo kay Prof. Michael Pante, Associate Professor sang Department of History sang Ateneo de Manila University, iya ginpahayag nga importante nga mangin aware ang mga pamatan-on sa maragtas sang pungsod kag sa mga baganihan nga nagsakripisyo sang ila kabuhi para sa kahilwayan kag kahilwayan sang pungsod.
Suno kay Pante, ang National Heroes Day indi lamang holiday kundi isa ka adlaw nga may madalom nga kahulugan bangud nagahatag ini sang kahigayunan nga madumduman kag maapresyar ang sakripisyo sang mga baganihan.
Sa idalom sang Republic Act 9492, ang National Heroes Day ginasaulog kada katapusan nga Lunes sang Agosto, kag sa 2026 ini pagadumdumon sa Agosto 31.
Pahayag pa niya, ang social media makabulig man sang daku sa pagpalapnag sang ihibalo sa kasayasayan, ilabi na paagi sa makahulugan kag masaligan nga kaundan nga madali ma-access sang mga pamatan-on.
Paagi sa mas malapad nga pagtuon kag paggamit sang moderno nga mga plataporma, ginapaabot nga ang mga pamatan-on mas mapalig-on sa pagkilala sang maragtas kag sa pag-apresyar sang mga sakripisyo nga nagtugot para sa kahilwayan nga ginaagom karon.
