Ginkalingawan sa social media ang Baka nga naglagas sa mga sakristan nga may bitbit nga imahen sang lapsag nga si Jesus.
Sa Facebook post ni Rufels Christian Fajardo Catubay, gin-share sini ang video sang makalilipay nga paglagas sang baka samtang nagapatigayon sang “Pax Tecum”.
Ang “Pax Tecum”, nga nagakahulugan“peace be with you”, isa ka tradisyon kada adlaw sang Paskwa.
Diri, ang imahen sang lapsag nga si Jesus ginadala sa palibot sang balay bilang pahanumdom nga luyag man niya magpuyo sa mga panimalay kag adlaw-adlaw nga pagpangabuhi sang mga tawo.
Makita sa video ang sacristan sang Our Lady of Consolation Parish sa Bato, Samboan, Cebu nga nagalabay lang sang hinali lang nga ginlagas sang nakagapos nga baka. Wala na sang mahimo ang sacristan kundi magpalagyo rason nga nagkadlaw kag nalingaw ang mga netizens.
