ROXAS CITY – Padayon nga ginasita kag ginahatagan sang nagakaigo nga penalidad ang mga salakyan nga naga-illegal park sa guha sang Teodoro Arcenas Trade Center (TATC).
Ini matapos madamo nga mga bumalakal kag driver ang nagpalab-ot sang reklamo may kaangtanan sa mga salakyan nga wala naga-parking sang instakto kung sa diin nagaresulta sang traffic sa lugar.
Sa interview sang Bombo Radyo sa Chief Security sang TATC nga si Mr. Efren Diaz, ginpahayag sini nga sa adlaw sang Sabado kag Domingo ginahatagan nila sang exemption ang mga salakyan kag motorista nga nagaparking bangud market day, apang pag-abot Lunes tubtob Biyernes naga-istrikto na sila.
Suno kay Diaz, may yara sila sang mga guidelines nga ginasunod kag sila mismo nga mga security personnel kag traffic auxiliary nagatingub sang pwersa agud mapabilin nga mangin matawhay ang lugar sa merkado.
