Naghinyo ang pila ka sikat nga tennis player sa kalibutan sang dugang nga premyo sa apat nga Grand Slam tournaments.
Nagpanguna sanday Novak Djokovic, Jannik Sinner, Aryna Sabalenka kag Coco Gauff kag 20 iban nga nagsulat sa mga organizers sang Grand Slam.
Sa sulat sadtong Marso 21, nag-request ang nasambit nga mga tennis star sang personal nga pagpakighinun-anon.
Ang mga ginsulatan amu sanday Craig Tiley sang Australian Open, Stephane Morel sang French Open, Sally Bolton sang Wimbledon kag Lew Sherr sang U.S. Open.
Pila sa ila mga hinyo amu ang pagtaas sang prize money nga bastante sa porsyento sang mga kita sa torneo, subong man dapat ang mga player ang may bili sa desisyon nga amu ang nagaapekto sa ikaayong lawas kag kahimtangan sang mga humalampang kag dapat ang mga Grand Slam tournaments ang mag-angkon sang financial contributions sa mga welfare program sang mga player nga ginapondohan sang duha ka pro tours.
