ROXAS CITY – Liwat nga nagpatigayon sang misa ang mga simbahan, parokya kag mission stations sa probinsiya Capiz sumugod subong nga adlaw.
Ini ang kasunod sang pagpahanugot na sang National Inter-Agency Task Force on Emerging Infectious Diseases (IATF-EID) sa mga religious gatherings sa mga modified general community quarantine (MGCQ) areas.
Bangud sa ginapangatubang sa gihapon nga coronavirus disease (COVID-19) pandemic hugot nga ginpatuman sa mga simbahan ang mga health protocols kapareho sang physical distancing kag pagsuksok sang face mask.
Nagpahamtang naman sang disinfection area guwa sang simbahan kun sa diin ginapaidalom sa thermal scanning ang mga magatambong misa.
Gilayon man nga gina-disinfect ang simbahan sa tagsa ka matapos ang misa.
Samtang pagalimitahan sa gihapon ang mga magatambong sa mga religious kapareho sang kasal, bunyag, lubong kag iban pa.
