ROXAS CITY – Ginpakigbahin nanday Mr. Russel Villanueva SK Chairman sang Sta. Fe Villanueva kag Mr. John Paul De Martin SK Chairman sang San Esteban sa banwa sang Pilar, ang ila na-eksperyensyahan sa sulod sang 5 ka tuig nga ila pagpungko sa pwesto sa ila barangay.
Sa interview sang Bombo Radyo kay Villanueva kag De Martin, ginpahayag sang mga ini nga sa ila pagsugod sa paghatag sang serbisyo sa ila tagsa ka mga barangay, indi suno diri madula nga may yara sang may mahambal ang mga tawo batuk sa ila kag indi madali ang tanan.
Suno pa sa ila nga bilang isa ka lider sa mga kabataan, kinahanglan nga unahon ang mga kinahanglanon sang ila nasakupan antes ang personal nga interes, bangud bilang isa ka lider indi lamang suno diri sukatan ang pagiging maalam kundi hibaluon kag tumanon kung anu ang mga responsibilidad nga kinahanglan ipatuman nga makabulig sa lugar ilabi na sa mga kabataan.
Kinahanglan man suno diri hibaluon kung anu nga mga aktibidad ukon proyekto ang mahimo ipatukod sa lugar kag nagakinahanglan sang kooperasyon sang tagsa-tagsa ka mga miyembro sang Sanguniang Kabataan (SK).
Panugyan sini sa mga nagapadalagan sang SK sa ila tagsa ka mga lugar, nga itatak kag ipabilin sa ila pinsar nga sa tion sudlon ang pulitika indi madula nga makabati kag may mahambal ang mga tawo nga yara sa palibot sang mga indi maayo nga tinaga.
Gani, kinahanglan suno diri nga indi lamang ang makuha nga sweldo ang lagson kundi kung paano mabuligan ang mga kabataan nga mahatagan kag matudluan sang mapuslanon nga leksyon kung sa diin mahimo nga mapasa sa mga masunod nga henerasyon.
