Ginkumpirma sang University Athletic Association of the Philippines nga ang tanan nga staff sang Ateneo nga yara sa Aurora sang natabo ang trahedya nga ginkamatay sang duha ka student-athletes ang temporaryo nga indi makapasakop sa ila mga events.
Suno sa pahayag sang UAAP, tuyo sang amo nga mandu nga masiguro ang patas nga imbestigasyon sa kamatayon nanday Rene Baterbonia kag Divine Adili.
Dugang pa sini nga ang nasambit nga mga katapo sang staff ang temporaryo nga ginsuspendi man sa pagpasakop sa anuman nga UAAP events.
Base sa Immigration Lookout Bulletin Order sang Department of Justice, lakip sa gina-imbestigaran amo ang pila ka mga coaches kag staff nga yara sa nasambit nga team building activity.
Padayon pa ang imbestigasyon samtang ginahulat ang pagklaro sa detalye sang nasambit nga trahedya.
