Igasaylo na ang mga street vendor sa circumferential road sa Barangay Dayao, Roxas City.
Sa interview sang Bombo Radyo kay Punong Barangay Wenie Batuampo, iya ginpahayag nga nakighinun-anon ini sa mga vendors kag nakasugtan nga igasaylo sila sa bypass road malapit sa Barangay Cagay, Roxas City.
Suno kay Batuampo,tinutuyo sang pagsaylo amo ang pagsiguro sang seguridad sang tanan nga mga bumalakal kag vendors kag mapabilin ang matawhay nga dalagan sang trapiko ilabi na nga masami ini nga gina-agyan sang mga container van gikan sa Culasi Port.
Nahibaluan nga subong nga adlaw, amat-amat na nga igasaylo ang tanan nga mga stalls pakadtu sa nasambit nga bypass road.
Ginpasiguro man ang natungdan nga magapabilin ang katinlo sang lugar sa bulig kag kooperasyon sang tanan nga pumuluyo sang Barangay dayao, Roxas City agud mamintinar ang katahom sang ginakabig “Mini Siargao” sang syudad sang Roxas.
