Nagbyahe na padulong sa Myanmar ang Philippine Contingent for Humanitarian Assistance and Disaster Response Mission agud magbulig sa pagpangita sang mga biktima matapos mag-igo ang magnitude 7.7 nga linog.
Subong nga aga sang Abril 1, isa ka send-off ceremony ang pagahiwaton sa Villamor Airbase sa syudad sang Pasay.
May mga 200 ka personnel sang Philippine Air Force nga ginalakipan sang 505th Search and Rescue Group (SRG), PAF Aeromedical Teams, Aircraft Security Teams gikan sa 710th Special Operations Wing (SPOW).
Nagsakay sila sa C-130 Aircrew halin sa 220th Airlift Wing.
Una nga ginpasalig ni Defense Secretary kag National Disaster Risk Reduction and Management Council (NDRRMC) chairman Gilberto Teodoro Jr ang bulig nga igahatag sa pungsod sang Myanmar.
Madumduman nga masobra 2,000 ang napatay kag masobra 200 naman ang na-record nga missing bangud sang mabaskog nga linog.
