Mga suspect sa pagpanghold-up  sa mag-asawa sa  Barangay Tacas, Pontevedra Capiz, padayon nga ginpangita sang mga kapulisan

Padayon  ang hot pursuit operation sang kapulisan batuk sa mga suspek sa pagpanghold-up an ang mag-asawa sa  Barangay Tacas, Pontevedra Capiz.

Ang mag-asawa amo sanday alyas “Beth,” kag alyas “Ryan,” lunsay 76-anyos kag residente sang amo nga lugar.

Samtang ang duha ka mga suspek nga wala pa makil-an ang nakasuksok sang duag itom nga long-sleeve shirts kag pula nga helmet.

Sa impormasyon nga nakuha sang Bombo Radyo sa Pontevedra Municipal Police Station,  gin-agaw sa backrider nga suspek ang bag ni alyas ‘Beth’ kag madasig nga nagpalagyo.

Sang nakit-an man ini sang iya bana gilayon niya ginkompronta kag likom sa iya ihibalo ginluthang ini sang suspek kag gilayon nga nagpalagyo sakay sa motorsiklo sini.