TAPAZ, CAPIZ – Nagapabilin nga at large ang duha ka mga ginaalegar suspek sa pagluthang patay sa isa ka 21 anyos nga lalaki sa Barangay Roxas, Tapaz, Capiz.
Ginkilala ang biktima kay Nico Gregorio sang Barangay Agpalali, Tapaz, Capiz.
Suno kay Police Senior Master Sergeant Rozher Garde, imbestigador sang Tapaz MPS nga isa sa mga ginapatihan nga motibo sa krimen amo ang pagtimalos kun sa diin imbolbado ang biktima sa nagluntad nga stabbing incident nga natabo man sa nasambit nga lugar.
Sa karon ginatinguhaan pa sang mga pulis nga matipon ang mga ebidensiya agud matul-id ang pagkakilan-an sang mga suspek.
Matandaan nga nagalakat ang biktima padulong kuntani sa ila sini barangay sang hinali na lamang ini gintambangan sang duha ka mga suspek kag ginlunthang sang makaduha ka beses.
Narekober naman sang mga kapulisan ang duha ka mga basiyo sang ginaalegat 12 gauge shotgun nga ginapatihan gingamit sang mga suspek sa pagluthang patay sa biktima.
