MANILA-Ginpahayag ni Department of the Interior and Local Government Secretary Jonvic Remulla nga handa ang gobyerno nga protektahan si Vice President Sara Duterte, bisan pa ginpahayag sini nga wala siya sang pagsalig sa korte kag pulisya.
Suno kay Remulla, wala sang rason si Duterte nga mahadlok bangud katungdanan sang gobyerno nga protektahan siya kag ang tanan nga Pilipino.
Ginpahayag man ni Remulla nga ipagwa ang body camera footage sang pagserbisyo sang warrant of arrest kag pag-file sang bail ni Duterte agud mapakita nga gintratar ini sang mga pulis sing husto.
Apang, ginpahayag ni Remulla nga ang dapat kabalak-an ni Duterte amo ang mga tawo nga yara sa iya palibot, bangud suno sa iya, amo mismo ini nga mga tawo ang nagtudlo sa mga awtoridad kung diin makita ang bise presidente.
Samtang, suno sa political analyst nga si Cleve Arguelles, ini ang una nga tion sa kasaysayan sang politika sa Pilipinas nga may arrest warrant nga gin-isyu batok sa isa ka nagaserbe nga bise presidente.
Dugang niya, daku ang mahimo nga epekto sini sa politika, ilabi na bangud nagaatubang man si Duterte sang impeachment trial.
