Dako nga bulig para sa mga tricycle driver kag operators sa Roxas City ang nabaton nga ₱5,000 nga ayuda bilang kabahin sang pilot implementation sang Cash Relief Assistance Program sang Department of Social Welfare and Development Region 6 para sa mga apektado sang krisis sa langis.
Sa interview sang Bombo Radyo kay Monico Araces, tricycle driver, iya ginpahayag nga dako ang pagpasalamat bangud nag-abot na ang ayuda sang gobyerno nga makabulig sa ila pang-adlaw-adlaw nga pangabuhi, ilabi na sa padayon nga pagsaka sang presyo sang gatong.
Suno kay Araces, makapihan-pihan sa ila pang adlaw-adlaw nga galastuhon ang nabaton nga cash Assistance.
Nagalaom man ini nga indi lang tane one-time bigtime ang ayuda agud mas madamo pa nga mga drivers ang mabuligan sa tunga sang ginapangatubang nga fuel crisis.
