Mga tricycle driver sa Roxas City, naga-agunto sa padayon nga pagsaka sang presyo sang gatong

Naga-agunto ang mga tricycle driver sa Roxas City bangud sa padayon nga pagsaka sang presyo sang gatong nga nagadugang sa ila pang-adlaw-adlaw nga galastuhan.

Sa interview sang Bombo Radyo kay Arsenio R. Tabian, isa ka tricycle driver, iya ginpahayag nga daku ang epekto sang pagsaka sang presyo sang gatong sa ila pagpangabuhi.

Suno kay Tabian, mabatyagan sa gihapon nila ang kabudlayan bangud nagapadayon ang pagsaka sang presyo sang gatong halin sang nagligad nga semana tubtob sa subong.

Bangud sini, nagalaum ang mga tricycle driver nga maganubo ang presyo sang gatong agud indi na magdugang ang ila gasto sa pagbiyahe.