Nagapangampo ang mga tricycle driver sa syudad sang Roxas sa padayon nga pagsaka sang presyo sang gatong bangud man sa nagapadayon nga tensyon sa Middle East.
Sa interview sang Bombo Radyo kay Ian De Pedro, isa ka tricycle driver, iya ginpahayag nga dako gid ang epekto sang mataas nga presyo sang gatong sa ila kita, kun sa diin halin sa P600 kada adlaw, nagnubo na lamang sa P300 ang ila makita.
Bangud sini, madamo na sa ila mga kaupdanan ang nag-untat sa pagbyahe kag nagsaylo sa construction nga trabaho.
Suno kay De Pedro, indi sabat ang fuel subsidy sang gobyerno sa padayon nga pagsaka sang presyo sang gatong, apang nagapasalamat ini sa gihapon bangud may ginahatag nga bulig ang gobyerno.
Nagapangabay man ini sa gobyerno nga kuntani madula na ang excise tax sa produktong petrolyo agud mabuligan ang mga driver.
