ROXAS CITY – Hugot karon nga nagapatuman sang mga pagsulundan ang Traffic Management Unit sa mga tricycle operators and drivers sa siyudad sang Roxas agud maamligan ang ikaayong-lawas sang mga drivers kag sang ila mga pasahero sa coronavirus disease (COVID-19).
Ini ang ginpahayag ni TMU-Head Gonzalo Andrada sang mapakig-angutan sang Bombo Radyo.
Ginpahayag sini nga ginmanduan nila ang mga tricycle drivers nga magsuksok gid sang face masks sa ila pagbiyahe kag tinguhaon nga madisinfect ang ila tricycle.
Suno pa diri nga ila man ginapangitaan sang quarantine pass ang mga tricycle drivers nga naga-biyahe.
Hugot man nga ginadumilian ang madamo nga pasahero sa isa ka tricycle kun sa diin kutob lamang sa tatlo ang ila mahimo mapasakay.
Ginpanindugan ni Andrada nga mahimo magpangatubang sa nagakaigo nga penalidad ang sinuman nga tricycle driver ukon operator nga mapamatud-an nga nagalapas sa nasambit nga mga pagsulundan.
