BOLO, ROXAS CITY – Nagapadayon ang pagtaas sang tubig-baha sa mga uma sa Sitio Pinaypayan, Barangay Bolo, Roxas City matapos ang mabaskog nga ulan nga gin-ulan sang Bagyong Tino subong nga adlaw.
Sa impormasyon nga nakuha sang Bombo Radyo, halos indi na makita ang parte sang ilang uma bangud sa tubig nga naglapaw sa palibot.
Ang mga pumuluyo nagahimo na sang tikang sa pagluwas sang ila mga kasapatan agud malikawan ang posible nga pagkalumos.
Samtang ang barangay officials kag mga responder nagapadayon sa pagmonitor sa kahimtangan kag naga-alerto sa mga residente nga maghanda sa posible nga paglikas kon magpadayon pa ang pagtaas sang tubig.
Sa subong, padayon angpagmonitor sa sitwasyon kag nagapanawagan sa tanan nga magpabilin nga alerto samtang padayon nga nagaapekto sa syudad ang bagyo.
