CAPIZ-Ginlibot kag ginsaylo-saylo sang mga unit heads sang Roxas Memorial Provincial Hospital (RMPH) ang mga natalana nga talatapan sa bag-o nga Capiz Medical Center sa Barangay Lanot, Roxas City, sang Setyembre 26, 2026, agud masiguro ang nagakaigo nga pagdestino sang mga opisina kag preparasyon sa palaabuton nga pagbalhin sa bag-o nga pasilidad.
Ginpanginbulahan sang aktibidad ang pagbisita sang mga empleyado sang RMPH sa tagsa nila ka natalana nga talatapan matapos ang ginpatigayon nga tree planting activity sa amo man nga adlaw. Paagi diri, nakilala kag nasusi sang tagsa ka yunit ang ila pagapuy-an nga opisina kag ang kaangayan sang mga lugar para sa ila mga kinahanglanon sa operasyon.
Kabahin man sang paglibot ang paglista sang dugang nga mga kagamitan kag iban pa nga kinahanglanon agud masuportahan ang adlaw-adlaw nga operasyon, mga transaksyon kag paghatag sang nagakaigo nga serbisyo medikal sa mga pasyente.
Ang ini nga inisyatibo kabahin sang preparasyon sang Gobyerno Probinsyal sang Capiz sa idalom sang liderato ni Governor Fredenil H. Castro, agud masiguro nga organisado kag preparado ang bag-o nga Capiz Medical Center antes ini gamiton sa pagserbisyo sa publiko.
