ROXAS CITY – Nagsugod na sa pagbaligya subong nga adlaw sa Teodoro Arcenas Trade Center (TATC) ang mga vendors nga halin sa Burgos Talipapa.
Matandaan nga ginpangsaylo sa TATC ang mga vendors sa Burgos nga nagatuga sang obstruction sang trapiko sa dalan.
Sa interview sang Bombo Radyo kay TATC Security Head Mr. Efren Diaz, ginakalakipan sang kapin 300 ka mga vegetable vendors, fish vendors kag kart vendors ang nakaplastar na sa old Meat Section sang TATC kag nagsugod na sa pagbaligya.
Dugang pa sini nga gintagaaan ang mga ini sang prebilihiyo sang City Government nga indi pagsukton sa arkabala sugod subong nga adlaw Nobyembre 5 tubtob Nobyembre 14.
Ginpasiguro naman ni Diaz nga 100% nga naakomodar sang maayo ang tanan nga mga vendors nga ginpahamtang sa TATC.
